2019年8月21日 星期三

香港的一次算命經歷 玄燊師傅到底準不準? | 玄燊 算命 準

話說我屋企有裝開香嘅,所以成家人都係好迷信。有咩事即刻求神拜佛,去黃大仙、車公廟嗰啲拜神﹐而這次是我係香港既一次玄燊師傅算命經歷分享(很準呀!)。

記得細細個嗰陣,阿媽幫全家人算曬命,結果係點就唔記得,因為嗰陣我都係幼稚園咁上下嘅年紀。 逢年過節,阿媽就會打比佢阿媽即係我阿婆,問啲元寶蠟燭點樣處理,連呢啲嘢都傾一大輪,同埋完全唔care啲元寶蠟燭幾錢,喺我印像中好似係越燒越多就運氣越好。
玄燊算命準

最記得七月鬼節前幾晚,阿媽請教完阿婆之後就會急急腳落街買一大抽元寶蠟燭香返嚟,我覺得呢啲行為就好似新年逗利是、清明要拜山咁習以為常。因為細個冇嘢做,某程度上係阿媽逼,佢會叫我將啲元寶(我估叫元寶啦下,即係一張張有好多圖案嘅紙) 疊成一疊疊,最底嗰張係黃色嘅,上面嗰啲乜顏色都有,仲有好多好神聖嘅公仔喺上面,嗰陣覺得好似一幅幅漫畫,阿媽會同我講「你第時嫁畀人就係你負責做呢啲嘢喇。」
於是,從細到大嘅耳濡目染造就咗今時今日哦嘅迷信。因為覺得呢樣嘢好神奇,點解燒完衣紙,祖先先人遊魂野鬼就可以收到呢?加上由細到大都聽唔少鬼故,真實故事,所以我對呢一方面嘅興趣都幾大。因為人嘅煩惱真係好多,可能係因為人都好貪心,加上香港係一個好壓迫、步伐好急速、令人抖唔到氣嘅地方,所以個人好抑鬱,容易覺得乜都唔順,一唔順利嘅時候,自然就求神拜佛啦。話說我中學嘅時候已經同啲friend新年嗰陣去黃大仙拜下神、求下籤。
玄燊

雖然人仔細細唔知點樣拜, 於是跟住屋企拜神嗰套方法、同埋望下隔離左右嘅阿叔阿嬸有樣學樣,求籤其實有啲尷尬,因為要當眾跪喺度,但係為咗可以求得神明保佑,就唔理啦,然後攞住支籤對返個結果,再入去黃大仙入面啲檔口,揀咗間之前幫twins喺節目算過嘅婆婆,我係算八字嘅,佢又真係幾老實,講我細個唔好命好辛苦勞碌,要到成四十幾歲先至開始好運,不過好好彩嘅係,佢講我到六十幾歲嗰十年大運係最好玩嘅,都唔知開心定唔開心,不過做人要識得知足,老咗有錢都係件好事嚟嘅,起碼有錢醫病痛呀。
然後廟街我有算過,不過就覺得有啲空泛講得,不過當時都係問一啲好短期嘅問題,例如我入唔入到大學之類,然後我去問嗰間係叫玄燊命理。嗰陣見到佢落廣告,咁啱果等我就嚟考dse,中學生最重視嘅就係dse。
其實我以平時嘅成績都知自己應該入唔到,但係我又屬於掹車邊個類,咁先令我更加糾結,如果我係好叻咁一定畀心機入大學啦,如果我好差咁我會直接唔讀asso,慳返啲錢直接入社會大學就算。但係呢有50 50入大學嘅機會,所以我就周圍算命,想知自己入唔入到。 於是就好似頭先所講,我就去左問呢個師傅,結果佢話入唔到,做足心理準備都係有dd唔開心。
佢講到我之前發生嘅事,亦都講到我係單親家庭由細到大得阿媽,又講到我有一個阿哥一個阿妹,總之就講得好詳細,如果過去嘅嘢講得詳細,我覺得佢算未來嘅話都應該唔差得去邊,於是好唔好彩地我就入唔到大學啦,真係開口中。
玄燊準

我呢啲杞人憂天嘅性格,一定唔會淨係得咁少問題啦,之後又好多人追,又唔知點揀,都係去問玄燊,之後去幫我揀咗嗰個男朋友真係對我好好,反而冇揀到嗰啲即刻去溝第二個,溝第二個之餘仲畀我聽返,佢哋唔係偷食!就係一腳踏兩船!!好彩當初冇揀到,唔係奶嘢嗰個就係我喇,即刻wts玄燊師傅「報喜」,都係個句啦:做人要識知足,另一半對我咁好仲想點T。T
之後我有不斷試其他師傅,中式西式都試過,奇門遁甲、紫微斗數、易經乜乜、星座命盤、塔羅、中西合璧易經塔羅都試過,但係都覺得模稜兩可,唔會講得好仔細,問佢嘢會好似擠牙膏咁,問一句答一句,又唔係講得好準。於是繼續搵玄燊,問過咁多佢講得最詳細,好細嘅嘢都up得出,另外仲有一檔星座係準既,不過個次係陪fd問,就唔記得叫咩名,好似係乜moon。。
但係我會繼續試落去,因為真係好鍾意呢啲神秘學,同埋聽到自己命運係點會準到起雞皮,覺得好神奇, 同埋就算講嘅係衰嘢,起碼可以畀到個方向自己,知道有乜係唔做得,有咩係啱你做,唔使行咁多冤枉路囉。
今日嘅算命分享就到呢度,有機會再同大家分享由細到大身邊嘅人遇到嘅100%真實鬼故!記得當年自己聽完係會失眠咁恐怖。。。

1 則留言:

  1. CASINOS at Casino.com in Reno, NV
    Casino.com Reno is located 남원 출장마사지 on 고양 출장안마 the first floor of the newly 광명 출장마사지 renovated Reno Convention 부천 출장안마 Center. The hotel's 여수 출장안마 first tower and unique guest

    回覆刪除